Siman pasa Minister di Economia, Communicacion y Desaroyo Sostenibel Mr. Geoffrey Wever hunto cu Raadsadviseur Asuntonan Muliti -lateral di Gobierno di Aruba Sra. Jocelyne Croes via zoom call a reuni cu United Nations Development Programme y Oficina Regional di Coordinacion pa Nacionan Uni pa explora formanan adicional di cooperacion entre Aruba y United Nations Development Programme.
United Nations Development Programme ta traha den 170 pais pa yuda combati pobresa y reduci desigualdad y tambe como un di e agencia di desaroyo di nacionnan uni tambe ta yuda paisnan pa logra e Sustainable Development Goals.
Meta di Ministerio di Economia ta entre otro pa stimula mas inversion y desaroyo den proyectonan cu ta sostenibel y den e cuadro ey Minister Wever ta buscando partnerships riba nivel internacional pa yuda Aruba cu programanan di inversion cual ta atractivo pa e mundo financiero na Aruba como oportunidad di inversion, pero tambe pa companianan cu tin experiencia riba e tereno di sostenibilidad y economia circular.
Segun Minister Wever, si como pais realmente nos kier logra haci un transicion pa bira un isla cu ta independiente di importacion di fossil fuels, un isla cu ta proteha su naturalesa y un isla unda inversion ta sostenibel, nos mester haci cambionan structural di awor caba. Pa nos por ta un pais cu ta cumpli cu e tratado di Paris, nos mester traha na un forma organisa y cu participacion di tur stakeholders, di awor caba y pa es motibo ey nos ta buscando partners strategico pa juda nos cu implementacion di e transicion aki.
Minister Wever a informa e representantenan di Nacionan Uni ki tipo di asistencia tecnico Aruba ta buscando riba e tereno aki y nos a acorda cu e simannan nos dilanti nos lo sigui intercambia di idea pa asina riba termino cortico nos por dicidi den ki forma mas United Nations Development Programme por yuda Aruba.
