Diasabra mainta, minister di Transporte, Naturalesa, Integridad y Asuntonan di Adulto Mayor, Sr. Ursell Arends a reuni cu piscadornan di Branca Boat y Oasis Fishing Team.
Minister Arends hunto cu su team di Maneho y Departamento di Cria, Pesca y Agricultura, Santa Rosa, a reuni cu e piscadornan na Bushiribana, y despues a reuni tambe cu e piscadornan di Barcadera na Pier di Nel.
Segun e mandatario a comparti riba su pagina di Facebook, esaki ta den cuadro pa trece mehoracion den sector di pesca. Sinembargo, no a duna mas informacion riba kico precies e reunionnan a trata di dje. Santa Rosa a comenta bisando cu pronto ta bay comparti mas informacion.
