Diahuebs 27 di october, Minister Ursell Arends a reuni cu trahadonan di Serlimar y sindicato SEPPA encuanto e trayecto di rescate di Serlimar SG. E trahadonan a vocifera nan preocupacion pa cu nan futuro despues cu cera Dump Parkietenbos na fin di aña.
Gerencia y voorzitter di Raad van Toezicht a presenta e situacion actual di Serlimar unda nan a remarca cu Serlimar ta riba e bon caminda, bahando gasto y subiendo entrada. E meta ta pa haci Serlimar financieramente sostenibel, cubri gastonan operacional sin depende riba fondo di gobierno. Ministerio TINO tambe a trece puntonan di atencion dilanti unda a presenta e trayecto di Serlimar pa asina pone e situacion cu e compania ta actualmente aden den perspectiva, a menciona entre otro metemento politico, good corporate governance cual ta factornan importante ora ta papia di Serlimar su pasado y esfuersonan actual cu mester haci pa e por tin un futuro.
Minister Arends ta mira Serlimar como un prioridad, pa e motibo ey ta enfoca riba e cambionan interno pa hisa e rentabilidad di e compania riba e tereno di recogemento di desperdicio. E futuro di compania ta depende di cooperacion y esfuerso conhunto entre sindicato, trahadonan, gerencia y gobierno. Esaki ta mustra di ta riba bon caminda.
