(NL Times)—Minister Hanke Bruins Slot (Asunto di Hogar) ta considerando e dia di haci 1 di juli un dia nacional, unda e historia di sclavitud na Hulanda ta conmemora y su abolicion ta celebra.
El a puntra e comision di conmemoracion cu ta maneha e asuntonan aki pa investiga e opcion, aunke e ta subraya cu e no por tuma un decision riba su mes.
Segun e minister, e posibilidad cu dia 1 di juli lo bira un dia liber mester wordo determina den acuerdonan cu colectivo di labor, despues di conseho di e Fundacion di Labor. E minister a puntra e comision pa tene discusion cu e organisacionnan di empleado/empleador.
Tweede Kamer tabata kier pa basta tempo declara 1 di juli como un dia nacional. Na 2021, un mocion pa Salima Belhaj (Partido D66) a ricibi apoyo di e mayoria di parlamentario. E peticion aki a wordo firma mas cu 600.000 biaha tambe.
E dia nacional cu ta Surnameño di origen, yama Keti Koti, ta celebra dia 1 di juli, mirando cu riba e fecha aki na aña 1863, Hulanda a caba cu sclavitud pa ley. E fin berdadero di sclavitud a pasa 10 aña despues.
E gobierno nacional tambe ta un empleador grandi. Nan ta trahando riba un experimento pa laga sirbidonan civil tuma un dia liber riba dianan nacional cu ta poni den ley. Bruins Slot kier segura cu e oficialnan cu ta participa den e experimento aki tambe lo haya permiso pa tuma dia liber pa Keti Koti. Tambe el a puntra e comision di conmemoracion pa considera e posibilidad pa un instruccion pa bandera.
