Recientemente Minister Plenipotenciario Guillfred Besaril a ricibi na Arubahuis e duaneronan Marlon Ruiz, Giovanni Davelaar y Jerrold Tromp, cu e aña aki un biaha mas a participa na e di 103 edicion di e 4-daagse di Nijmegen. Oliver Wever, cu tambe ta forma parti di e grupo, no por tabata presente
Besaril a felicita e duaneronan cu e gran logro aki. Tambe e mandatario a gradici e cuater Arubianonan pa nan promocion grandi pa nan isla natal durante di e cuater dianan di e Vierdaagse.
Diabierna siman pasa e duaneronan a ricibi nan medaya durante un ceremonia na Fletcher Hotel na Berg en Dal. Relacionista Publico di Arubahuis Sidney Kock den nomber di Minister Plenipotenciario Guillfred Besaril a presencia e entrega di medayanan na e participantenan di Douane.
Marlon Ruiz a haya su medaya pa a participa e aña aki pa di 15 biaha y na Giovanni Davelaar cu a cana e aña aki pa di 13 biaha ta cana e Vierdaagse. Oliver Wever a haya un medaya pa su participacion pa di 5 biaha. Finalmente Jerrold Tromp cu a participa e aña aki pa di tres biaha.
Despues di e ceremonia a sigui un encuentro informal unda por a sigui papia cu e duaneronan tocante di nan experencia cu e caminata aki. Arubahuis tambe kier a felicita tur e Arubianonan sea individual of den grupo cu a cana e Vierdaagse di Nijmegen 2019.
