Como Minister di Hubentud y Asuntonan Social Minister Paul Croes a tuma nota di e preocupacion cu tin den nos comunidad y e incertidumbre rond di e abuso sexual di muchanan y tambe e inkietud cu esaki ta trece cun’e tanto pa e mayornan y e victimanan di e casonan aki.
Pa Minister Paul Croes e comprension pa cu e casonan aki ta obvio tanto como un Minister pero tambe como tata di famia. Semper na momento cu bo ta tende di e tipo di casonan aki e ta afecta bo. Aunke cu seguramente no ta apoya of stimula vandalismo como cu esaki no ta corecto, pero di otro banda tin e comprension pa e mayornan mirando kico ta sosodiendo cu nan yiunan y e trauma cu nan ta keda cun’e.
Locual seguramente den e caso aki no mester perde for di bista ta kende berdaderamente ta e enemigonan den caso aki. Esaki ta hustamente e malhechornan y abusado di mucha cu ta hinca den nan cabes pa mishi cu un criatura. Na momento cu esaki pasa e ta daña perspectiva di un mucha completamente y ta hinca e mucha den un trauma pa resto di su bida, cual ta algo cu e Minister ta condena completamente.
Minister Paul Croes ta encarga tambe cu e proteccion y derechonan di mucha, pa cual rason tambe a institui ,cu algun otro colega, un comision y un plan pa ataca e problematica aki for di diferente angulo. Na momento cu un mucha sufri e abuso aki, primeramente loke mester mira ta pa saca e mucha aki for di e ambiente na unda cu e ta y sigui e proceso pa castiga esnan cu ta haci e actonan aki contra nos muchanan.
Den esaki bo tin diferente instancia cu ta atende cu casonan asina cu tin un cooperacion mutuo pa asina por tin miho comunicacion y por resolve e casonan y e abusado haya nan castigo mereci. Minister Paul Croes tambe ta di opinion cu castigonan pa abusado di mucha mester ta hopi mas pisa, tambe cu mester impone castigonan riba esnan cu ta mishi cu nos muchanan y e forma pa yega na e castigonan mas pisa aki ta por medio di haya e pruebanan mas contundente y presenta esakinan na corte dilanti un hues y asina dicta sentencia mas pisa riba e abusado aki. Minister Croes ta convivi cu e sentimento frustrante ora cu un abusado haya un castigo leve. Esaki ta resalta tambe cerca nos comunidad ora cu nos mira cu e pueblo henter ta desaproba e acto aki, cual ta un señal cu lo bay na e sistema hudicial tambe di nos pais. Minster Croes ta spera cu e mensahe tambe yega na e personanan cardinal den e sistema pa asina pronto
