12 di Augustus oficialmente a keda declara como dia International di Hubentud. Un dia caminda un y tur ta bini hunto pa crea concientisacion riba e importancia di nos hubentud como nos futuro generacion. Tur anja ta scohe un tema pa e dia aki di cual a anja aki no ta un exception. E anja aki e dia international di hubentud lo hiba como tema rond mundo: Elimina pobresa y logra realisa un consumo sostenibel. E tema aki ta pone enfasis riba e rol di personanan hoben pa logra elimina pobresa y realisa desaroyonan sostenibel por medio di consumo y production.
Ministerio di Hubentud pa varios anja caba ta pone enfoke riba desaroyo di nos hobennan den differente aspecto. Banda di organisa p.e projectonan social y educativo pa nos hubentud unda ta pone enfasis riba e desaroyo di nos hobennan, tambe a sera convenionan y tratadonan international unda cu ta duna balor y respet na derecho di cada un hoben. Minister Croes ta kere firmemente den nos hobennan y ta kere den un generacion di futuro lidernan pa pais Aruba. Pa es motibo Minister Croes kier felicita tur hoben riba e dia aki y ta contento cu Aruba tambe a uni su mes na e celebracion aki hunto cu nacionnan uni pa asina hunto nos por engrandece y stimula desaroyo di nos hubentud.
