Diamars awo Minister di Labor, drs. Paul Croes ta presenta na Conseho di Minister di Gabinete Mike Eman II e persona cu ta propone pa bira e Inspector nobo diLabor. E comision encarga a evalua e diferente aplicacion ricibiy a scoge e miho candidato cu awo lo mester keda ratifica pa Gobierno y asina apunta pa dirigi e departamento di Inspecciondi Labor. “Un di e prome tareanan importante cu e Inspector nobo lo mester haci hunto cu su ekipo di inspectornan, ta trahariba e maneho di loke nos ta yama e ‘Bestuurlijk Handhaving,’ asina e titular di labor a indica.
Minister Paul Croes a instala un comision cu e tarea di buscaexpertonan den e ramo cu interes pa yena e vacatura di e departamento publico. Asina a ricibi 9 solicitud, for di cual a scoge esun mas capacita pa e puesto y e retonan su dilanti. E mandatario ta consciente di e papel esencial cu e posicion aki tin den su obhetivo pa cu cumplimento di leynan laboral na Aruba.
E Inspector lo guia e departamento y su personal pa mira cu turcompania y negoshi na Aruba ta cumpli cu ley y reglanan cu taregarda, entre otro sueldo minimo, vakantie y basicamente turloke ta hinca den un contrato laboral. Ora cu ta verifica cu eseyno ta e caso, tambe ta su trabou pa aplica multanan cu su debidaseguimiento pa e establecimento bay bek na e caminda corectodi cumpli cu su obligacionnan.
Inspeccion di Labor ta traha hopi di cerca cu Directie Arbeid, Guarda Nos Costa, DIMAS, SIAD y SVB den e ehecucion di e controlnan di un forma integral. Esaki ta rekeri di uncoordinacion y comunicacion optimal. Tambe ta suresponsabilidad pa duna guia na tur e inspectornan cu for di añapasa ta cumpli cu e leynan realisando control na negoshinan “y pa mi, como Minister di Labor, esaki sigur ta un paso mas den direccion pa companianan cuminsa cumpli cu nos leynan local,” Minister Croes a bisa.
“E proteccion di nos trahadornan local ta keda importante, kier men e rol di inspectie den esaki sigur ta yuda nos. Un biaha mas, mi ta hopi contento cu finalmente nos por formalisa un funcionhopi importante,” e titular di Labor a finalisa bisando. Un bes cu e candidato keda ratifica pa Conseho di Minister, lo bay over nasu anuncio na publico.
Fuente: comunicado minister labor
