Minister di infrastructura, medio ambiente y desaroyo teritorial a comunica den un conferencia di prensa dialuna pasa tocante otorgamento di tereno. Siman pasa a tuma luga un evento unda un grupo di casi 900 ciudadano e proceso pa ricibi un tereno cu nan a pidi desde aña 2006 y 2007.
Minister a expresa cu e 900 ciudadanonan aki a haya e derecho di por bin na remarca pa un pida di tereno pa nan por traha nan cas y esaki ta di cinco grupo cu nan a haci entrega di terenonan desde cu nan a cuminsa cu e maneho na luna di mei di aña pasa.
Minister Oduber a informa cu nan kier trata 1.000 peticion pa aña, den e cuadro di maneho di tin e ser humano central. Tocante esey el a bisa cu e prome parti a inicia cu e posibilidad di un hende por traha su cas y crea su hogar pa su famia.
Di mesun manera minister Oduber a sigura cu nan lo kier entrega 1.000 tereno pa aña y p’esey nan a hala tur e añanan cu no a entrega terenonan pa e aña aki e meta ta pa atende peticionnan cu hende cu a pidi te aña 2010 y 2011 haya contesta.
