Ta confirma cu awe e reunion spera entre Prome Minister Mike Eman cu Minister Otmar Oduber a tuma luga. E detayenan di locual cu a wordo papia no ta conoci ainda. Den contacto cu e mandatario el a bisa Bon Dia cu e no tin reaccion aworaki y si por duna un poco espacio.
Ta dia 6 di januari cu Minister Oduber a anuncia cu e lo tuma su retiro entrante prome di maart e aña aki. El a mara su desicion basa ariba diferente situacion di diferencia di opnion cu su persona ta encontra su mes cu diferente Minister den Gabinte Mike Eman 2. E reunion cu a tuma luga awe a wordo planifica pa siguiente dia di cu el a bin dilanti cu su retiro, sinembargo a wordo cancela dos biaha te cu awe el a tuma luga. Ta keda pendiente di locual cu a wordo trata den e reunion aki.
