Diahuebs ultimo, bureau di Minister di Husticia a haya informacion cu un celebracion lo a tuma luga na oficina di IASA na Vondellaan durante oranan di merdia, caminda cu un persona cu no ta traha na Gobierno a wordo permiti pa celebra su cumpleaños. A haya diferente comentario no positivo riba e indole y contenido di e celebracion for di varios testigo.
Na ningun momento e celebracion aki tabata planea of aproba door di bureau di Minister, y bureau ni Minister no tabata na altura di esaki.
Despues di a laga haci un investigacion preliminario, Minister di Husticia, Andin Bikker, a dicidi di duna un toegangsontzegging na e empleado encarga cu e management di IASA, sr. I. Matos pa cu e suceso, conforme proceduranan hancra den LMA.
