Minister di Economia, Comunicacion y Desaroyo Sostenibel a reuni cu Voorzitter di Sociaal Economische Raad y a intercambia riba varios topico cu ta importante pa e desaroyo socio-economico di Aruba cu lo cay bao encargo di Minister Wever.
Sra. Lasorte a splica Wever con e constelacion di Sociaal Economische Raad ta actualmente y su funcionamento.
“E encuentro aki tabata hopi interesante ya cu Sra. Lasorte ta un persona cu tin amplio experiencia riba varios tema cu ta toca nos economia y ta un persona cu ta pasiona pa traha pa Aruba.”, Wever a remarca. “Nos a intercambia abiertamente di ideanan pa mehora Aruba su economia.”
