Ayera Minister Xiomara Maduro y Prome Minister Evelyn Wever-Croes a reuni hunto cu e team di CFATF (Caribbean Financial Action Task Force) cu lo bay evalua e integridad di Aruba su sistema financiero.
Den e dianan aki e team di CFATF lo reuni cu diferente stakeholders den sector publico y priva pa asina evalua e esfuerso mutuo cu ta wordo haci na nos Pais pa evita cu nos sistema financiero ta wordo malusa pa labamento di placa y financiamento di terorismo. Den un comunicado di prensa, Gobierno di Aruba ta desea exito y forsa na e team di Aruba y e team di CFATF. Minister Xiomara Maduro ta spera cu Aruba por conta na final cu un bon evaluacion.
