Riba diahuebs dia 23 di october ultimo, Minister di Enseñansa, Ciencia y Desaroyo Sostenible, dr. R. Lampe a haya bishita di A-Vet institute cu nan partner di Hulanda ‘Techniek College Rotterdam’. Pa Techniek College su representantenan Igor Runsink y Chris van Rossen tabata e prome encuentro cu Lampe.
E reunion den e presencia di TCR, Directora di Departamento di Enseñansa A. Provoyer, Inspecteur di Enseñansa S. Croes y Gina Maduro y Sabine de Groot di A-VET Institute hunto cu Lampe tabata un hopi positivo.
Entre otro, Innovacion den Enseñansa y posibilidadnan pa cuminsa programanan nobo a wordo papia.
Tur e representantenan a keda contento cu e introduccion y a wordo palabra cu mas consulta tocante varios topico lo wordo organisa den futuro.
