Siman pasa Minister Armando Lampe a firma un areglo pa e proyecto “i’mPOSSIBLE”. E proyecto aki ta un iniciativa di entre otro International Paralimpic Committee cu tin representacion aki na Aruba via Aruba Paralimpic Committee (APC).
Aruba Paralimpic Committee ta wordo presidi door di Shardea Croes. Un persona dinamico y cu tin e pasion pa e trabou cu e ta eherciendo pa cu e organisacion di APC. APC tin entre otro e conscientisacion di nos hobennan pa cu e posibilidadnan cu un persona cu limitacion fisico tambe tin.
Den un combersacion basta extenso, Minister Lampe a intercambia ideanan y pensamento encuanto enseñansa den su totalidad, mirando cu sra. Croes tambe ta un docente y tin un experiencia basta amplio cu aplicacion pa cu mehoracion di enseñansa avansa.
Na final a keda palabra cu lo sigui di cerca e progreso di e Proyecto. Minister Lampe a expresa su gratitud, pa srta Croes pa cu su empeño den e proyecto aki y el a agradeci’e, pa su aporte na e mehoracion di nos enseñansa avansa.
