Minister di relacionnan di exterior na Hulanda a retira diamars despues di admiti cu el a gaña cu e tabata den un encuentro cu presidente di Rusia, Vladimir Putin.
Halbe Zijlstra a anuncia su decision cu algun lagrima na su wowo den parlamento, despues cu ministernan a haci un peticion pa e bin parlamento y duna cuenta. Durante su campaña pa eleccion di maart 2017, sr. Zijlstra a declara cu el a personalmente scucha sr. Putin papia riba crea un ‘Rusia mas grandioso’ den 2016.
E minister Hulandes tabata tin algun ora despues pa haci un viahe oficial pa Moscow.
“Mi no ta mira ningun otro opcion awe pa cual mi mester djis tuma mi retiro na su mahestad nos rey,” sr. Zijlstra a bisa un dia despues di admiti su mentira. El a bisa cu el a comete e fout di mas grandi den su carera politico y cu Hulanda merece un minister cu ta fuera di tur duda. Sinembargo mientras cu el a reconoce cu su accionnan no tabata corecto, sr. Zijlstra a continua di bisa cu sr. Putin si a bisa e palabranan ariba menciona, y cu el a gaña pa protege e fuente cu tabata presente na e encuentro aki.
Sr. Zijlstra tabata tin solamente cuater luna manera minister. Embahada di Rusia na Hulanda a yega di keha riba declaracionnan di sr. Zijlstra anto acusa autoridadnan Hulandes di semper tin declaracionnan sin base tocante Rusia.
Fuente: BBC
