Minister Hulandes di Relacionnan Exterior, Wopke Hoekstra ta bay bishita sucesivamente Sint Maarten, Corsou y Aruba for di dia 24 di october te dia 26 di october, pa discuti desaroyonan geopolitico actual den Europa y hemisferio occidental cu e prome ministernan y Gobernadornan di e paisnan aki.
Medionan di comunicacion di Corsou a reporta cu ademas di discusionnan bilateral cu prome ministernan y Gobernadornan di e paisnan Caribense, minister Hoekstra ta bay dirigi e Consulta di Reino riba Relacionnan Internacional na Corsou. Esaki ta un consulta anual cu ta ofrece e oportunidad pa discuti e vision y interes di e paisnan pa asina defini relacionnan internacional conhuntamente.
Minister Hoekstra, prome minister Gilmar Pisas di Corsou, prome minister Silveria Jacobs di Sint Maarten y prome minister Evelyn Wever-Croes di Aruba ta bay discuti e consecuencianan di e guera na Ucrania pa e region Caribense, relacionnan cu Venezuela y cooperacion multilateral.
Despues di e consulta ta bay tin un conferencia di prensa.
E informacion aki no ta confirma riba website di gobierno Hulandes.
