Si antes e aumento tabata 38%, entrante 1 di september e lo reduci esaki te na 26%,
Dos siman pasa Utilities, ELMAR, WEB y Minister Glenbert Croes a reuni cu sindicatonan riba nan preocupacion relaciona cu e aumento di awa y coriente.
Durante dicho reunion manera Minister Glenbert Croes mes a expresa, Sindicatonan a bin cu un bon proposicion. Sindicatonan a haci e cuestionamento di pakico pa e grupo di menos entrada, ta haya un aumento ta mas halto. E mandatario na mes momento a gradici WEB enormemente cu a para habri pa e recomendacionnan di Sindicato.
A keda palabra cu lo bolbe bek na mesa despues di dos siman. E dia ey tabata awe. Durante e reunion WEB a bin bek cu e proposicion, aproba pa Gobierno di Aruba, pa honra peticion di e sindicatonan: ta bolbe reduci e aumento di tarifa di awa entrante 1e di September igual pa tur.
Si mira e grafica adhunto, si antes e aumento tabata 38%, entrante 1 di september e lo reduci esaki te na 26%, igual pa tur categoria di tarifa. E mandatario a aprecia e participacion y recomendacion di sindicatonan y ta gradici WEB pa nan disponibilidad sigui traha hunto pa bienestar di nos pueblo.
