Ayera den oranan di atardi, Bon Dia Aruba a haya confirmacion di minister di Labor, Energia y Integracion Glenbert Croes cu director di DIMAS Kathy Paskel no tin mas autoridad den e departamento aki pa loke a wordo nombra un Management Team.
E motibo di esaki segun minister Croes a declara ta pa desconfiansa cu ta existi den Paskel y ta p’esey cu e no lo forma parti di e Management Team.
Ademas, minister Croes a señala “cu e kier lo miho di DIMAS y e maneho di mehoracion di DIMAS mi ta pone mi confianza y duna e mandato na e Management Team pa atende cune”.
Minister Croes a sigura cu lo manda un comunicado di prensa pa asina duna di conoce tur argumentonan cu a causa e decision aki.
