Camara di Comercio y Minister Geoffrey Wever di Asuntonan Economico ta reuni varios biaha pa aña pa asina discuti topiconan relaciona na economia di Aruba.
Ayera pa prome biaha Minister Wever a ricibi Sr. Gavril Mansur den su rol como Presidente nobo di Camara di Comercio. E topico nan cu a ser discuti ta entre otro e progreso di e UBO register, cual ta avansando manera plania. Tambe Camara di Comercio a trece varios punto dilanti relaciona cu e reforma fiscal y introduccion di BBO na frontera.
Na final Camara di Comercio y Minister Wever a papia ampliamente di e plannan di desaroyo di centro ciudad di Oranjestad y San Nicolas.
“Semper ta un placer pa intercambia di idea cu Camara di Comercio, semper nan ta duna un contribucion positivo y real,” segun Minister Geoffrey Wever.
