Diaranson 12 october, Minister Geoffrey Wever a biaha pa Surinam pa asisti na e Caribbean Development Roundtable y e Caribbean Development and Cooperation Committee cu lo tuma lugar 12-14 October 2022 na Paramaribo, Surinam.
E organisador di e reunion ta e Subregional Headquarters di e Economic Commision for Latin America and the Caribbean (ECLAC) cu ta enfoca specificamente riba region di Caribe.
E reunion di e Caribbean Development Roundtable ta mas un dialogo riba varios temanan cu ta toca e Caribe y e Caribbean Development and Cooperation Committee ta unda e progreso di e trabou y e enfoke di ECLAC pa e aña siguiente lo wordo stipula por medio di resolucionnan.
Lo trata diferente tema, entre otro:
Global partnership for repositioning, recovery and resilience in the Caribbean;
Economic restructuring and diversification for deeper integration of the Caribbean with Latin America and in the global economy;
Towards the Establishment of the Caribbean Resilience Fund.
E aspecto interesante di e Roundtable ta cu e paisnan ta bini hunto y dialoga over e temanan aki y con por logra esaki conhuntamente. Despues di e impacto di COVID-19 ta importante pa e paisnan den nos region ta prepara, p’esei lo papia riba creacion di un fondo pa Caribe conoci como un fondo di resiliencia pa yuda paisnan miembro absorba golpi economico externo.
Como organisador di e evento, ECLAC ta cubri tur e gasto di biahe y estadia envolvi.
