Recientemente Minister Endy Croes y Minister Glenbert Croes a reuni hunto cu sra Sabine de Groot di departamento di Labor y sra Sheila Maduro di maneho di enseñansa y director suplente di ‘Directie Onderwijs’ Aruba.
Punto di reunion ta riba continuacion y trabounan cu tin cu wordo haci e.o. e ‘doorlichting’ rapport di onderwijs, na unda cu un di e aspecto nan ta e PEL cu ta Plataforma Enseñansa y Labor, aki tin un nota skirbi y den cuadro di esaki, awor ta coordinando e maneho cu Enseñansa y Labor con ta sigui padilanti, kico tur ta e necesidadnan di e mercado laboral y ki tipo di trabounan mester y na su turno departamento di Enseñansa su maneho mester bay prepara tur locual cu departamento di labor ta exigi.
Den e ‘doorlichting rapport’ tin un capitulo unda ta splica cu mester coordina esaki hunto, mester tin data etc.. y prepara e Enseñansa na e tipo cu mercado laboral ta pidi, pa esunnan cu ta caba di studia y ta drenta mercado laboral.
Ariba e puntonan aki e reunion a bay y a coordina entre Minister Endy Croes y Minister Glenbert Croes hunto cu Sabine de Groot di departamento di Labor y Sheila Maduro di maneho y director suplente di departamento di Enseñansa Aruba, ambos Minister a agrega cu tabata un bon reunion.
