Minister di Enseñansa y Deporte Endy Croes tabatin su prome encuentro pa cera conoci y combersa cu e Sociaal Maatschappelijk Werkers ‘SMW’ers di Dienst Publieke Scholen cu ta resorta directamente bao di Ministerio di Enseñansa.
Den e proyecto aki ta trahando hunto cu Ministerio di Asuntonan Social. Segun un comunicado di gobierno, e tabata un bon reunion unda cu e SMW’ers por a vocifera nan inkietudnan. Hunto cu Croes su dos conseheronan riba tereno di enseñansa tambe tabata presente pa scucha diferente puntonan di preocupacion a wordo treci pa dilanti y kico nan mester pa mehoracion di nan trabao
Durante e reunion diferente puntonan cardinal cu a bin dilanti manera; (1) E deseo un ampliacion y (2) ‘Kilometervergoeding’ husto pa e trabao cu nan ta eherce. Tambe a bin pa dilanti e sugerencia pa uni tur e SMW’ers di e diferente ‘school bestuur’ di Aruba pa asina por duna un ayudo mas organisa y caminda un por yuda otro. E SMW’ers a expresa di ta hopi contento cu e acercamento di Ministerio di Enseñansa y Deporte y cu a haya oido y participacion.
Croes ta reconoce e trabao importante di e profesionalnan aki pa cu nos studiantenan den enseñansa. E trabao di un SMW’ers sigur ta un sosten grandi pa tur nos docentenan.
