Minister di Husticia, Andin Bikker a informa pa medionan local diamars pasa cu parlamento den aña di presupuesto di 2018 tin un proyecto piloto pa autonan di polis.
Di esaki, Bikker a expresa cu ta e mocion number 1 e cual tin e deseo pa presenta pa autonan di polis por haya OnBoard computer y printer, ta un sistema pa siguridad di polis y pueblo, asina tambe como pa eficiencia,segun e mes a sigura.
Tocante e sistema, esaki ta completamente integra hunto cu e vision cu gobierno di Aruba ta promoviendo pa loke ta trata innovacion.
Asina mes, Bikker a declara cu desde ayera diaranson nan a publica un Request for Expressions of Interest (REOI) pa nan por cumpli cu e mocion aki y cu e deseo di parlamento.
El a informa cu e REOI ta un proceso transparente pa pone cierto liñanan di guia y invita e companianan cu lo tin experticio riba e area di sistemanan cu nan ta buscando – den e caso aki OnBoard computer pa autonan di polis – pa asina nan por expresa nan interes y na base di un comision nan por haya un conseho.
Bikker a señala cu esaki por tuma luga den un termino di tempo corto, maximo par di luna, cu nan por duna contenido pa e mocion cu parlamento a presenta.
