Diahuebs mainta minister di Husticia Andin Bikker a inaugura 48 unit nobo di computer mas WIFI pa Orthopedagogisch Centrum.
E computernan tin un sistema completamente ‘future proof’ cu por uza pa hopi aña. E computernan por yuda e hobennan cu ta residencia na OC, traha nan tareanan di scol y varios otro proyecto. Ta brindando OC cu tur material necesario pa tanto e hoben como personal di OC haci nan trabou optimal. Segun minister Bikker e ta sumamente contento cu por brinda esaki den cuadro di e filosofia di gabinete Wever Croes pa pone e ser humano central.
Constantemente kier duna atencion na Orthopedagogisch Center y siguramente nan por conta cu e materialnan cu mester. Sea ta computer, conexion di WIFI, medio di transporte of uniform tur otro cos cu ta necesario pa haci nan trabou optimal segun minister di Husticia mr. Andin Bikker.
