Dialuna ultimo, minister di Enseñansa y Deporte Endy Croes a realisa un conferencia di prensa pa asina ey trece dilanti diferente informacion pa loke ta trata e parti di Enseñansa na Aruba.

El a papia tocante un reunion cu a tuma luga di manera virtual na final di april cu minister di Enseñansa y Cultura di Hulanda Robert Dijkgraaf, minister di Enseñansa di Corsou Sithree van Heydoorn y minister di Enseñanza, Cultura y Deporte di Sint Maarten Rodolphe Samuel na unda nan a papia di Strategic, Education y Alliance (SEA), lo cual ta e parti nobo cu a bin di Study Succes cu a papia di dje caba na januari hunto cu e minister Dijkgraaf di Hulanda.

Di esaki, a forma un programa team cu Hulanda a coloca dos persona specialisa na unda nan ta bay traha riba SEA, Aruba manera el a sigura, na e momento ey tambe a haci apelacion cu tambe kier pone un profesional caminda Corsou y Sint Maarten a haci e mesun peticion y durante e reunion ey a keda confirma cu e programa team aki ta bay ta conforma pa cinco persona riba nivel di Vierlandenoverleg lo bay haci e proyecto aki na unda minister Croes no a duna hopi detaye di esaki.

Den e reunion aki a bin tambe e proposicion pa universidadnan di Hulanda hunto cu universidadnan di e paisnan aki menciona caba bay haci investigacion tocante e parti di labor, “pasobra nos kier prepara enseñansa, tin cu prepara nos studiantenan na e nivel di futuro, na e necesidadnan di sector priva, di comercio, etc,” el a bisa.

Den esaki, Aruba a señala cu e ta un bon idea pero na Aruba tin un departamento cu no ta cay den man di minister Croes e cual ta Departamento di Labor, nan ta esun cu ta encarga di haci e tipo di investigacion aki riba mercado laboral y pa esey, nan a pidi pa nan no haci e mesun trabou cu Departamento di Labor sino pa nan traha algo hunto pa siña di otro y asina ey nan por bin cu modelonan mas moderno, pa esaki, Hulanda a bay di acuerdo y e den conclusion a aproba y a firma esaki.

Un otro punto cu nan a papia di dje ta cu nan ta bay crea un ekipo cu ta bay busca e puntonan cu ta resalta den e tres Doorlichting di Sint Maarten, Corsou y Aruba y e puntonan aki cu nan por trat’e den e Vierlandenoverleg pa hiba nan riba un otro nivel.

Pa 30 di juni proximo e comision crea pa esaki mester bin cu e proposicion di cual ta e puntonan di e agenda cu nan ta desea pa bay trata hunto.

Di loke ta trata e Doorlichting rapport cu ainda ta riba mesa, minister Croes a sigura cu den e 13 recomendacion cu a duna, un di nan ta e leynan, di esaki el a amplia cu Inspectie Onderwijs nunca tabatin un ley cu landsverordening y esey a bira prome riba e lista den cual nan a traha riba dje durante ultimo nuebe luna.

E persona encarga cu esaki, profesor de Vries ultimo cu tabata na Aruba a presenta esaki na tur stakeholder, tur scol bestuur y tambe tur departamento pafo di gobierno na unda nan ta dunando nan imput aworaki pa e ley final por entrega na DWZ y cuminsa cana e trayecto cu tin mester te ora e lo yega parlamento y asina ey por trat’e e aña aki.

E beroep onderwijs di mas grandi na Aruba cu ta EPB y EPI nunca tabatin un landsverordening manera el a sigura, nan ta trahando riba y dje y despues ta bay riba e parti di modernisacion di leynan existente pa kleuter, basis y voorgezet onderwijs, lo traha un ley nobo pa special onderwijs y lo revisa y traha un ley pa hoger onderwijs.

Dia 31 di maart tabata e ultimo deadline den e palabracionnan di landspakket y Tijdelijke Werkorganisatie (TWO) Hulanda na unda Aruba a tuma e decision riba maneho di idioma y aworaki nan a cumpli cu e fecha aki, pa final di april tabatin otro deadline caminda Aruba mester a entrega un plan di aanpak pa wak con por registra e data di tur 85 scol y asina gobierno por tin un solo data base pa tuma e decisionnan a traves di esaki y tambe a dun’e na TWO caminda nan ta wardando e feedback riba e parti aki.

Un otro fecha cu el a trece dilanti ta dia 15 di mei unda nan tin cu presenta pa wak con ta implementa e plan di maneho di idioma y pa otro siman nan ta bay entrega e parti ey.

E Doorlichting ta publica caba riba website di BUVO y tambe di Directie Onderwijs segun minister a declara.