Minister Glenbert Croes, como minister di Energia encarga cu Utilities, WEB y ELMAR, a haci un bishita di trabao na WEB pa asina conoce den detaye e vision energetico, empresarial y di desaroyo pa WEB.
“Mi a keda sumamente impresiona pa e brainpower na WEB, sumamente impresiona cu e proyectonan cu ta den ehecucion como tambe sumamente impresiona pa e calidad di profesionalnan yiunan di tera, cu ta encarga cu ehecucion di vision y proyectonan”, Croes a comenta tocante su bishita.
“Como Minister di Energia, mi ta para 100% tras di WEB, su ehecutivo- y profesionalnan y tur e empleadonan trahando na WEB. Mi kier expresa cu mi ta sumamente orguyoso di nan”, Croes a finalisa.
