(NLTimes)— Minister Robbert Dijkgraaf (Educacion) ta planea di ahusta reglanan pa menos studiante internacional bay Hulanda. E kier pa universidadnan limita programanan di estudio cu ta wordo duna na Ingles, y tambe pa laga registracion habri pa variantenan cu ta wordo duna na Hulandes. Actualmente esey ainda ta prohibi.
E Minister ta spera di presenta su plan na maart, y p’esey no kier a detaya mas riba esaki durante un debate tocante e topico aki diamars.
Actualmente, universidadnan solamente ta permiti di pone un limite di cantidad di studiante pa un programa si tin un exceso di entrada di studiante. Esey ta duna nan tempo pa sigura cu nan lo maneha e entradanan. Dijkgraaf no ta considerando algo temporario, sino un medida definitivo pa reduci entrada di studiante. Ta pa e motibo aki, regla mester wordo ahusta adecuadamente.
Pa cambia ley y regulacion ta tuma basta tempo, y p’esey e medidanan no lo tin efecto inmediatamente, Dijgraaf a expresa. P’esey e minister ta haya cu e ministerio mester tin un acuerdo cu universidadnan pa limita entrada prome cu e medida cuminsa.
E regla nobo lo ta un mal noticia pa institucionnan di educacion halto den regionnan di frontera y provincia cu populacion anciano. Ta nan ta depende riba studiante internacional. P’esey Universidad di Maastricht y e Universidad di Twente kier dicidi pa nan mes cuanto studiante internacional nan lo acepta. Dijkgraaf kier haci excepcionnan posibel, pero e tambe kier sigura cu esaki no lo pasa hopi. Pa e motibo aki e kier limita entrada en general. Te ainda e ta mirando con esaki por pasa.
Studiantenan internacional ta wordo atrai di studia na Hulanda pasobra e ta barata, e calidad ta basta bon, y hopi curso y programa ta wordo duna na Ingles. Esey ta causa cu cambernan di lectura ta keda yen, mas competencia pa studiantenan Hulandes pa luga, y mas deficit di studiante den e mercado di hogar.
