Dialuna 17 di januari Minister Endy Croes a reuni cu Crisis Team pa haci peticion y pa consulta riba e posibilidad pa deporte por haya permiso pa publico por yega back den tribuna pa wak wega. Asina mayornan por apoya y sostene nan yiunan alabes por mira nan practica nan deporte faborito den stadion.
Minister Endy Croes a sigui bisa cu a duna un splicacion amplio di e diferencia entre deporte organisa cu ta cay bou di federacionnan y deporte ‘bush league’. Basa riba un bon reunion Crisis Team a primiti cu nan lo trece apertura pa fanaticadanan por drenta stadion.
E intermediacion di e mandatario di deporte a duna su fruta, ya cu diabierna atardi a anuncia algun cambio relaciona cu medidanan di Covid -19. Un di e cambionan tabata cu eventonan deportivo ta permiti pa 90 hende paden y 150 hende pafo. Pa finalisa e mandatario di deporte a expresa cu aki dos siman lo revisa esaki si por habri e stadionnan completo.
