Minister Hulandes di Defensa, Ank Bijleveld a bishita St. Eustatius diabierna dia 27 di september ultimo.
Durante su bishita breve, el a reuni cu Comisionado di Gobierno, Marcolino Franco y cu miembronan di Forsa di Polis di Caribe Hulandes (Korps Politie Caribisch Nederland, KPCN) y Constabulario Real Marechaussee.
E proposito di su bishita ta pa mira pa su mes e desaroyonan na Statia, como tambe e progreso haci den marco di varios proyecto cu ta ehecutando bou di e plan di reconstruccion pa e isla.
Tambe a haci un bishita na e Centro di Operacion di Emergencia di St. Eustatius (St. Eustatius Emergency Operating Centre, SEOC).
Bijleveld a sali pa bay St. Maarten a bordo di un avion di Warda Costa, cual a sali for di aeropuerto F. D. Roosevelt pa 5pm.
