Prome Minister di Corsou y Minister di Petroleo di Venezuela a discuti tocante e posibilidad cu e Petrolera Estatal Venezolano PDVSA pa sigui opera e refineria Isla 335.000 bari pa dia(bpd) di e pais Caribeño, gobierno di Corsou a bisa dialuna ultimo.
E contract di PDVSA lo caduca fin di aña aki y e refineria di gobierno ta buscando un socio comercial pa reemplasa nan. E falta di envio di crudo a laga un gran parti di e refineria inactivo.
Den e declaracion, e oficina di Prome Minister Eugene Rhuggenaath a bisa cu su persona y Minister di Petroleo Venezolano Manuel Quevedo, kende tambe ta desempeña como presidente di PDVSA, durante un reunion na e refineria a papia tocante e start up di e refineria y henter di PDVSA pa keda como operador despues di 2019.
Refineria di Corsou e compania estatal cu ta doño di e facilidad, a bisa siman pasa cu lo cuminsa evalua te cu 10 propuesta di companianan di energia interesa pa bira un socio di e refineria. Su schedule actual ta exigi cu e negociadonan cuminsa na october y cu lo yega na un acuerdo na november.
E compania a bisa den un comunicado dialuna cu e no lo divulga e nombernan di e partidonan cu a entrega propuestanan. Ora cu nos a puntra den un conferencia di prensa si PDVSA a presenta un propuesta formal pa asina continua opera e refineria, Quevedo a bisa cu e compania a manifesta publicamente y di e manera formal nan deseo di continua cu e operacionnan. “ Nos no tin ningun intencion pa bay,” Quevedo a bisa.
E produccion di crudo di Venezuela, miembro di OPEP, a conoce un caida desde cu Merca a impone sancionnan contra PDVSA na januari como parti di e esfuerso di gobierno di Trump pa asina presiona e presidente socialista Nicolas Maduro pa bandona e cargo pa medio di un collapse economico hiperinflacionario. Venezuela a sufri di blackoutnan general dialuna ultimo den area di e pais, incluyendo e capital Caracas.
