Durante un declaracion di minister di Salud, Turismo y Deporte, Dangui Oduber, el a lamenta e situacion cu ta wordo crea cu retiro di director di AZV, Ruben Goedhoop, loke a crea un proposicion cu el a propone pa gobierno, di kita e contract di compania priva di transporte di cuido pone esey den e 5 week model.desconfiansa di minister y tambe pa e director, pa decisionnan cu el a tuma cu ta contra di e mesun
Di esaki el a señala cu tin cu informa minister y lag’e informa den un conferencia di prensa cu door cu e no ta un derecho di un asegurado, nan tin cu elimina e transporte di cuido.
Oduber a expresa cu nan a institui un comision pa loke ta trata e transporte den departamento di salud publico, pa asina percura pa tin continuidad den e transporte di pashent cu mester dialisis 3 biaha pa siman y cu ta pasando desde juni. Cu esaki, Oduber a menciona cu nan mester informa Caft , informa Gobierno di Hulanda, pa despues di algun luna e ex-director a coregi su decision di e modelo ey. “E ta contradeci e 5 week model totalmente y esey tabata un di e motibonan pakico nan no tin confiansa mas den e decisionnan cu ta wordo tuma pa e director”, Oduber a declara.
Tocante un declaracion di parlamentario di partido AVP, Marlon Sneek, minister Oduber a bisa cu no ta cuestion cu gobierno lo bay yuda un otro compania ni lo scoge un otro compania pa transporta e pashentnan aki.
“Den caso cu no tin transporte pa pashentnan cu dialisis, gobierno lo percura pa tuma esaki over y esey ta loke a bin ta pasando e ultimo cuater pa cinco luna caba”, el a splica.
Tur luna ta evalua loke ta trata decisionnan pa cuido medico y pa asegurado. Tambe tin hopi presion pa loke ta e medidanan cu a wordo tuma y cu ta cosnan cu nan tin cu cumpli cune pa Gobierno Hulandes. Continuamente nan ta evalua kico nan tin cu kita of evalua pa nan por sigui cu e modelo, aki cu a wordo diseña pa AZV.
Departamento di Salud Publico hunto cu Ouderzorg y un compania cu tin un contract cu AZV ta esunnan cu ta encarga tambe di transporta e pashent cu dialisis.
