Durante conferencia di prensa riba diaranson anochi, Minister Dangui Oduber ta anuncia e ultimo desaroyonan di loke ta trata Covid-19.
Oduber a informa di strategianan nobo pa casnan di cuido, cu aunke no a yega na niun caso ainda, pero con por preveni di tene cluster door di mantene na e protocolnan. “Nos ta enfocando pa reduci e caso di contagio na 30 caso pa dia,” esey Minister Oduber a bisa.
Tambe a wordo informa cu tin combersacionnan tocante vacuna y cu pa fin di e aña aki, lo tin un vacuna. Oduber tambe a contesta riba algun preguntanan di habitantenan cual ta trata di isolacion y si mester di haci un test di nobo ora di duna declaracion cu bo por sali for di cuarentena.
Segun ta informa, no mester di haci un test di nobo despues di 14 dia.
Si bo persona a keda isola pa e tempo cu a wordo duna y no ta sinti ningun sintoma e no ta necesario pa haci un “re-test”.
Minister ta declara cu den e parti di turismo, e ta bayendo mas miho cu e lunanan ultimo pa e luna di september a ricibi 13.000 turista y cu pa e aña 2020 lo bira 15.500.
