Ayera henter dia parlamento di Aruba a debati riba e presupuesto suppletorio 2020. Un di e presupuestonan di mas importante den historia di nos pais considerando e situacion cu pais Aruba ta aden actualmente. Un presupuesto cu mester percura pa tin placa pa fase, loonsubsidie, midden klein bedrijf, voedsel pakket y tur otro aspecto cu ta importante pa pais keda draai.
Remarcabel y condenabel ta e hecho cu fraccion di AVP a vota contra pueblo ayera den reunion. Nan a vota contra pa esunnan cu ta pasando den momentonan hopi dificil keda haya Fase, Loonsubsidie y voedselpakket. Nan a vota contra pa companianan haya e e ayudo di midden- en klein bedrijf.
Nos ta lamenta profundamente cu fraccion di AVP a scoge pa hunga politica partidista y vota contra pueblo. Condenabel e hecho cu no a pensa riba esunnan cu ta pasando den momentonan dificil pa motibo di e pandemia. Nos a spera cu lo tin boluntad politico y madurez politico pa pone diferencianan politico un banda y for “once” scoge pa Aruba y su hendenan.
Esaki no a sosode y un biaha mas a keda demostra cu partido AVP ta keda busca tur manera pa boycote Aruba.
Nos como gobierno a presenta un vision cu un perspectiva pa futuro. Nos ta convenci cu e pilar economico nobo cu nos lo explora nos lo sali mas fuerte resiliente di e crisis aki.
Bo ta oposicion pasobra bo no ta sostene e coalicion, Pero bo no por ta oposicion contra Pueblo! Bo ta bayendo den mal caminda, ora bo no por distingui e diferencia minister Dangui Oduber a termina bisando.
