Ayera mainta Aruba ta mira un dia grandioso unda cifra ta mustra cu a ricibi mas di 10.000 turista crucero ariba nos dushi isla. E turista nan aki tabata procedente di diferente crucero, entre otro Allure of the Seas di Royal Caribbean Cruises y tambe Carnival Cruise Lines.
Ta importante pa enfatisa cu e turista crucero ta hunga un rol importante den e recuperacion y progreso di Aruba su economia, y p’esey Gobierno di Aruba ta ta traha continuamente pa sigui desaroya e mercado aki. Minister di Turismo y Salud Publico Sr. Dangui Oduber ta satisfecho di mira tur e actividad nan den centro caminda hopi turista a yega nos isla. E turista nan aki ta crucial pa nos economia, creando hopi trabou pa nos taxista, tour operators, restaurantnan y tiendanan.
Aruba ta recuperando y progresando, y e mandatario tin tur confianza cu nos ta den bon direccion. No obstante cu e “low season” pa turismo crucero, nos por mira hopi actividad pa nos turismo crucero cu un cantidad substancial di turistanan.
E proyeccionnan pa e temporada halto di turismo crucero ta mustra hopi prometedor y ta indica cu lo por recupera 70% di nos turismo crusero den comparacion cu aña 2019. Turismo ta keda un driver importante di nos recuperacion economico y Minister di Turismo y Salud Publico lo keda traha duro pa fortifica esaki.
