Minister di Turismo, Salud Publico y Deporte, Dangui Oduber a determina y finalisa su vision y mision riba e tereno di salud mental y adiccion. Cumpliendo cu e programa di gobernacion den cual e enfoke ta riba un maneho integral di psikiatria y adiccion, reconociendo adiccion como un malesa mental, ta bay traha mas ‘outreached’ caminda e cuido ta yega cerca esunnan cu mester di e cuido aki y teniendo na cuenta e necesidad di e cliente.
Otro pilar importante ta pa pone mas atencion riba prevencion caminda ta preveni crisis y complicacion di malesa mental. Adictonan lo haya e atencion na un manera integral caminda e profesional ta yega cerca e adicto ambulante pa ofrece e cuido necesario. Na final e meta principal ta pa eleva e calidad di bida di esunnan cu ta sufri di malesa mental.
Den e trayectorio aki despues di a haci un quickscan caminda puntonan di atencion a bin padilanti Mental Health Caribbean a sostene Ministerio specialmente compartiendo nan experiencia na e islanan BES. E siguiente paso ta pa manifesta e vision aki pa tur stakeholders y den e cuadro aki bin cu diferente accionnan pa logra e vision aki.
