Minister di Turismo & Salud Publico, Sr. Dangui Oduber a reuni cu e voorzitter di CAft, Sra. Ongering pa un combersacion tocante con por sigui yuda sostene otro pa cu e costonan den sector di cuido aki na Aruba.
E reunion tabata uno fructifero caminda cu Caft a keda impresiona specialmente cu e plannan con pa mitiga y haci e fondonan di AZV uno sostenibel pa futuro. Temanan cu Minister Oduber a amplia ariba dje tabata e desaroyo positivo pa cu Aruba su economia cual tin un efecto positivo ariba e fondonan di AZV. Tambe a papia over di reenforsa e eerstelijnszorg, intensifica e cooperacion entre HOH y Imsan y e diferente plannan di accion formula den nos roadmap den cuadro di Landspakket, segun un comunicado di gobierno.
Minister Dangui Oduber a gradici un y tur presente na e reunion cu CAft y a keda satisfecho cu e tawata un reunion positivo y constructivo.
