Recientemente Minister Chris Romero, a reuni cu Embahador di Hulanda Norbert Braakhuis, na Venezuela.
Durante e reunion aki a discuti topiconan di interes pa Reino Hulandes, manera e caso di e situacion di Citgo, clausura di fronteranan aereo y maritimo, reciprocidad den transporte aereo, entre otro.
Embahador Braakhuis, den su ronda di consulta cu tur asociado den Reino Hulandes, ta sondea kico ta e politica cu paisnan den Reino ta aplicando actualmente y pa un futuro cercano pa loke ta trata e fronteranan cu Venezuela.
E titular di e cartera di Transporte a informa Embahador Braakhuis di e decision di Gobierno di Aruba pa mantene tur frontera cu Venezuela temporalmente cera, y e motivacion tras di e decision aki.
Gabinete Wever-Croes ta realisando un evaluacion extenso di e situacion pa cu e exodo masivo Venezolano y con nos pais lo atende cu esaki y ki pasonan lo tuma den futuro cercano y asina a intercambia di pensamento cu Embahador Braakhuis.
