Manera tur aña, como custumber, presupuesto tin cu wordo entrega. Sinembargo tin algun aña cu esaki ta schuif pa varios luna mas laat. Pero segun minister di financia, Angel Bermudez nan ta trahando duro pa asina por entrega esaki prome cu dia 1 di september.
E titular di Financia a splica cu e procedura di presupuesto cu tin cu mantene a base di ley di contabilidad y e ley LAFT cu ta na vigor desde aña pasa, ta pone cu berdad awor aki ta riba e trayecto corecto. Siman pasa e minister a entrega e cuenta anual di 2015. Esey cierto momento lo bin parlamento prome cu 1 di September pa asina ey den curso di e aña aki wordo trata y aproba. Awor aki ta trahando riba presupuesto 2017, cu na e momento aki ta den su fase final pa e bay conseho di minister pa haya e aprobacion final y despues di esey mand’e CFT y despues e lo sigui su ruta den e sistema legislativo cu ta bay pa Conseho Consultativo y finalmente wordo entrega na Parlamento prome cu dia 1 di september. Te cu ainda tin cu bisa cu, segun reglanan di ley, ta na tempo.
Minister Bermudez ta haya cu prome cu fin di aña, pues prome cu 2017 cuminsa e mester ta aproba y formalisa. Ta asumi cu si e wordo entrega dia 1 di September, den e ultimo kwartaal of den luna di october of november, pa e wordo trata den parlamento y haya su aprobacion. Esey kiermen cu na inicio di 2017, e presupuesto pa e aña ey ta na su luga caba y ta formalisa.
Segun e reportahenan cu ta trahando pa entre otro pa Colegio CFT, pero tambe pa parlamento, ta riba e ruta segun cu el a wordo aproba e presupuesto di 2016, caminda cu tin un deficit presupuestario di 2% di GDP. Te na e momento aki tur cos ta mustra cu ta riba e bon caminda. Si ta asina cu ta bay ta tin efectonan ora cu e trabaonan cuminsa na e refineria y esey tur ta planea despues di dia 1 di Augustus. Cu e efectonan ey, a pidi Banco Central pa haci un calculacion kico ta nan efecto riba nos GDP y si e ora ey ora haya e cifra ey di Banco Central, lo evalua y lo bin cu un presupuesto supletorio pa 2016. Pero esey mas bien ta efectonan positivo cu ta e efectonan di actividadnan di e refineria, segun e minister.
Den cierto sentido e proyectonan PPP tin un base pa discusion. Esey e minister tambe a bisa den su reportahe, cu loke trece riba mesa, ta un base pa discuti riba dje, con ta bay standarisa tipo di proyectonan aki, pa motibo cu tin un termino largo cu ta core y pa cual e ora ey nan tin nan efecto riba e presupuesto di añanan pa futuro. Ta bon pa tin cierto normanan cu ta bay aplica pa asina ey mantene loke ta paga na tipo di proyectonan aki den curso di dia 15, 20 of 25 aña, pa tambe keda domina y manehabel den tur e presupuestonan den futuro.
