Despues cu na 2019 Gabinete Wever-Croes a logra adapta y indexeer e balor di e maaltijdbonnen pa Ordediensten, cu pa hopi aña no a conoce un ahustacion, a nace un incertidumbre den aplicacion referente e tema di “aansluitend overwerk”, cual den practica ta acopla na e toets si overwerk lo ta “onverwacht” of no.
Teniendo cuenta cu e preocupacionan di Sindicatonan SPA, SINBA, TOPA, SEPPA y STA referente e tema, Minister di Husticia mr. Andin Bikker a haci un proposicion na Conseho di Minister cual awe a bay di acuerdo pa bay introduci un solucion dor di aclarea y optimalisa e maaltijdregeling referente e tema, cual ta premira lo drenta na vigor 1 di augustus venidero.
DRH y Ministerio di Husticia lo consulta cu e Sindicatonan y Hoofden van Diensten pa cu e posibel solucion, pa asina adresa e preocupacionan di Sindicatonan y trahadornan referente e tema.
