Diahuebs atardi tabatin un reunión cu e sindicatonan cu ta representa e empleadonan na IASA, den e caso aki sindicato nan STA, SEPPA y TOPA. a informa nan cu a base di un proposicion di Minister Andin Bikker na Ministerraad, a nombra Andrew Hoo como e ambtenaar encarga cu e maneho, pues e Hefe di e maneho na IASA.
Andre Hoo no ta un persona desconoci. E tabata alto comisario di polis y den e ultimo lunanan, a duna un man den e Management Team di Brandweer, unda cu el a haci un tremendo trabao, segun e mandatario. E ta sigui comenta cu a soluciona hopi cos awo den e seis lunanan cu a pasa, pero awor e ta cla pa un otro reto.
E minister a menciona cu básicamente Andrew Hoo su background ta di siguridad na frontera y implementacion di ley. Den e cuadro ey, e minister a consulta cu ministerraad y a bay di acuerdo pa nombr’e como hefe nobo encarga cu e maneho na IASA/Migracion Aruba.
Pa loke ta e reunión cu e sindicatonan, esaki a bay bon. Nan a keda contento y positivo cu e nombracion aki. Na Brandweer a apunta Andrew Hoo pa e Management Team durante un periodo di seis luna. A asign’e pa por a yuda na Brandweer pa seis luna y awor aki cu e seis lunanan a caba, e tabata desea un otro reto cu ta pas mas cu su expertisio den area di seguridad y en especial di frontera.
E sindicatonan, representando e empleadonan den dicho departamentonan na aeropuerto, a haci un peticion di basta simanpa luna, cu nan kier mira un cambio den e gerencia na e departamento aki. E minister, evaluando e trabao y experticio di Hoo, a papia cu ne y a bay di acuerdo pa por a apunt’e e ora pa un reto nobo cu ta na IASA/ Migracion Aruba.
