Un acuerdo di transicion entre Conseho Militar di gobierno di Sudan y un coalicion na fabor di democracia tabata programa pa ser firma, segun a informa un diplomatico importante di Union Africano.
E acuerdo di transicion ta establece un conseho soberano cu lo goberna pa 3 aña te ora organisa eleccion. E mediado, Mahmoud Dirir, kende tabata involucra den e mediacion di ambos banda, a bisa cu e declaracion politico lo ser ‘debati, discuti y firma na mesun tempo’.
Segun e acuerdo, ta destina pa kibra e problema politico cu ta afecta e pais tras derocamento di President Omar al-Bashir na april. General Gamal Omar, di conseho militar, a bisa cu 16 militar activo y retira a bay prizon. Forsa di siguridad ta sigui e lider di grupo y oficial adicional cu a participa den conspiracion di purba un golpi di estado. No e revela nomber di e lider.
Militar tambe a acorda di restaura internet despues di un ‘shutdown’ di un siman. Acuerdo di transicion politico ta destina pa pone fin na caminda sin salida pa e conseho militar y e movemento di protesta. Esaki ta pone e forsa di siguridad cu a realisa un accion masivo na fabor di democracia na Jartum luna pasa, unda cu 100 persona a fayece, segun organisadonan di protesta.
