(DutchNews.nl) – Miles di persona a reuni na Amsterdam ayera pa protesta contra reglanan di coronavirus, pero pa 4:30pm, no tabatin ripiticion di e problemanan cu a experimenta dos siman pasa, tempo cu miles a desafia un prohibicion di gemeenteraad y a presenta pa un protesta toch.
Polis ainda no a duna un calculacion oficial di e tamaño di e multitud, pero e organisadornan a bisa cu 25mil persona a participa. Alrededor di 30 agrigultor cu tractor tambe a join e demostracion ayera y algun di nan a hiba nan tractor for di Groningen y Friesland, NOS a reporta.
E demostracion a ricibi luz berde di polis y di alcalde Femke Halsema, kende sinembargo a designa varios parti di e ciudad como di riesgo halto, dunando polis e derecho pa stop y rista hende pa arma. Manifestantenan a reuni na Westerpark, area di Stadionplein, y den Oosterpark prome cu reuni na Museumplein y despues marcha door di centro di e ciudad.
Grupo di campaña Nederland in Verzet a organisa e manifestacion pa ‘conmemora’ e demostracionnan di januari ultimo, den cual 240 persona a keda aresta na nivel nacional. Un grupo di campañador anti-Facista, kende tabata protestando e presencia di gruponan di ultra-derecha na e manifestacion, a keda retira y manda na e Max Euweplein cercano door di polis.
