Mas cu 3.000 persona a wordo asesina pa via di actonan di violencia grandi cu a tuma luga na Republica Democratico di Congo, den region di Kasai desde october aña pasa te cu aworaki segun e misa Catolico. E mortonan ta resultado di confrontacionnan entre militar y un grupo rebelde, pero ciudadanonan tambe a haya nan mes mey mey di e problema aki.
Nacionnan Uni a reporta cu tin mas cu 20 graf unda a haya cantidad di curpa, pero ta bisa cu e cantidad di morto ta na 400. Segun e misa Catolico, 20 pueblo a wordo completamente destrui, mita di nan door di agentenan militar di gobierno. Nacionnan Uni ta bisa di tin evidencia cu cientos di ciudadano di e pueblonan Luba y gruponan etnico Lulua a wordo asesina.
E violencia aki a escala despues cu na Augustus aña pasa un lider local a fayece durante pelea cu oficialnan di seguridad.
