(AP)—Miles di hende a haci e crusada back den Libanon for di Siria riba e segunda dia di un alto-el-fuego entre Hezbollah y Israel, despues di casi 14 di bringamento.
Riba e crusada di e frontera Jousieh den e area Qusair di e provincia Homs na Siria, riba e frontera noreste di Libanon, autonan a para den rij diahuebs wardando pa ser claria pa crusa. Tur cuatro lane tabata yena cu auto na caminda pa Libanon, mientras esnan wardando pa crusa den Siria mester a usa un otro caminda.
Di e seis crusada riba frontera entre Libanon y Siria, dos a keda funcional despues cu atakenan aereo di Israel a forsa un ciere pa e otronan. E dos pais ta comparti un frontera di 375 kilometer largo.
Mas cu 600,000 hende cu a huy for di Libanon a drenta Siria durante e ultimo aña, mayoria di nan despues di e guera entre Israel y Hezbollah a escala den mey september. E fluho riba frontera tabata un cambio den fortuna mirando cu Libanon ainda tin mas cu 1 miyon refugiado Sirio cu a huy for di e guera den nan pais cu a cuminsa na 2011.
Mientras e alto-el-fuego entre Israel y Hezbollah a tuma luga diaranson trempan, miles di hende a cuminsa cu nan regreso pa Libanon. Famianan a paketa nan maleta, corchon y klechi den vehiculonan, mientras muchanan tabata wanta tas, algun lora den klechi, mientras nan tabata drentando libanon ayera. Tabatin un ambiente di alivio y tristeza mientras hopi refugiado a enfrenta e realidad scur di regresa pa nan cas cu kisas a ser destrui.
“Nos tabata den Siria despues 13 di september, nos mester a bandona nos trabao, nos hogarnan y nos sernan keri pa via di e guera,” segun Hasan Fliti, un empresario di 54 aña ken ta regresando Libanon cu su casa y dos yiu. “Mi ta contento cu tin un alto-el-fuego y no tin mas destruccion. Bo no tin miedo mas cu un bom lo cay.”
Riba e prome dia di e alto-el-fuego, mas cu 2,000 hende a crusa den Libanon, segun un oficial di seguridad Sirio riba e frontera Jousieh a conta AP. Ayera mas cu 4,000 a crusa back bay Libanon y e cantidad ta sigui aumenta. E centro di inmigracion riba frontera tabata yena cu famianan wardando pa haya stempel riba nan paspoort of ID.
