Varios miles di manifestante a reuni dialuna na plaza Dam den centro di Amsterdam pa protesta pa e asesinato di George Floyd y a mustra solidaridad cu e activistanan contra e violencia policial na Merca. E manifestantenan cu tabatin facialmask y borchinan di carton cu tabata bisa “Black lives matter’ y ‘I can’t breathe’ a lucha pa mantene distanciamento social, pero e ambiente tabata bon y tabata un presencia policial , testigonan a bisa.
E manifestantenan tambe a tuma luga de ciudad full rond di Europa, entre otro London, Copenhagen y Berlin. Den Haag y Groningen ta riba e lista pa awe diamars, mientras cu Rotterdam lo sigui dia 3 di juni. E obhetivo di e manifestacion ta pa mustra solidaridad cu e manifestantenan Mericano y centra e atencion den racismo y violencia policial na Hulanda y EU”, e organisadonan a bisa.
En particular e organisadonan ta referi na e morto di Mitch Hendriquez, kende muri tras di e aresto violento na Den Haag mas cinco aña pasa y e aresto di Jerry Afriyie na Gouda durante un manifestacion anti-Zwarte Piet na 2014. Segun RTL mas o menos 3.00 persona a participa na e manifestacion. Polis ainda no a duna un estimacion.
