E Mensahe Nacional ex prome minister Mike Eman a acapara un sintonia total ayera anochi. Hopi ta e comentarionan positivo tambe pa e mensahe inspirativo di ex prome minister Mike Eman pa e pueblo Arubano na e momento critico aki.

Sigur a resalta tambe e forma con ex prome minister Mike Eman tabata goberna den consulta y dialogo cu gremionan y scuchando conseho. E lista di esnan cu e a consulta y busca nan opinion den e dianan aki tabata impresionante.

Den su mensahe Eman a haci tambe recomendacionnan na autoridadnan pa fortifica e bataya contra corona virus:

Ex prome minister a recomenda:

  • Ban crea un logica den toque de queda anochi y shelter in place. E ta ilogico cu den anochi e control y repression ta total riba movecion pafo di cas y den dia supermercadonan y otro establecimentonan ta yena cu ciudadanonan cu por afecta otro. E restriccion den dia y colaboracion pa alcansa un mobilisacion minimal pafo den dia mester ta corespondiente na e meta di anochi. Algo mas cu “shelter in place” den dia ta necesario. Un “lockdown” temporal den dia lo ta mucho mas efectivo pa para transmision di e virus y su logica lo reenforsa e autoridad moral di nos peticion y obligacionnan pa comunidad.
  • Ban haci e mascaranan di proteccion di cara obligatorio pa tur cu sali riba caya. Hasta un traha na cas, segun cientificonan, ta miho cu nada. E mascara lo recorda nos tambe cada rato di nos vulnerabilidad frente e virus aki. E lo ta un pacto social comunitario grandi: Abo proteha e otro pa e otro proteha abo.
  • Nos instruccionnan na esnan positivo of na riesgo den cuarentena mester ta mas cla y compania cu mas sosten y asesoria;
  • Nos mester ta sigur di e capacidad di Intensive Care (ICU) na hospital caminda pashentnan grave mester wordo trata cu mashin pulmonario di respiracion. Ban sigura cu nos tin e capacidad pa locual por ta bin riba nos cu mas di 50 caso caba y algun awor ta cuminsa ta wordo hospitalisa. Rond mundo e machinan di respiracion ta birando e factor determinante den scapa bida di esnan gravemente malo di e virus. Nos hospital tin un capacidad hopi limita di cambernan di ICU organisa riba ocupacion normal. Eman a relata un experiencia personal cu su propio mama den ICU- aña 2006 cu mester a wordo transporta den anochi den condicion fragil pa Corsou, pasobra ICU HOH tabata yen. Esey no mag di pay pasa awor cu pashentnan grave di corona-virus Eman ta enfatisa.

 

 

Comments are closed.