Miguel Mansur, lider di partido Accion21 tambe tabata un di e personanan presente den e reunion di Hoofdstembureau Aruba cu diferente miembronan di partidonan politico na unda el a sigura cu esey ta un demostracion cu Aruba mester di un renobacion di leynan.
Asina mes, el a señala cu el a sali desapunta di e reunion “mi ta kere cu un re-conteo no solamente lo duna mas confiansa na e resultado” tabatin inconsistencia manera el a sigura “mi ta considera cu awe ta un dia scur pa democracia y mi no ta comprende pakico un re-conteo cu lo trece mas siguridad den resultado di eleccion no ta tumando luga”.
Esaki ta un demostracion di modernisa nos leynan y renoba nos pais, mi ta kere esey ta loke votadonan a conclui dia 25 di juni”, Mansur a declara.
Tocante si digitalisacion di e proceso di votacion por trece mas duda, Mansur a expresa cu si mester digitalisa e proceso esey lo a mester tuma luga hopi tempo pasa, e leynan electoral no a cambia y esey ta e prome stap pa digitalisacion sigur di e conteo y nos a wak cu desde cu gobierno a cay ni un reunion publico di parlamento a wordo yama, dus realmente tin un obstruccion di nos procesonan democratico sosodiendo”, Mansur a finalisa.
