(CuraçaoChronicle) – E baraknan di ilegal di Centro di Detencion y Coreccion Corsou (SDKK) ainda no ta resistente contra escape. Siete migrante indocumenta a huy for di e prison riba diasabra. Ainda nan ta fugitivo.
E siete persona en cuestion tabata detenido wardando nan deportacion. E mirantenan, Venezolano, a logra huy door di bora un buraco den un muraya di e barak. Despues di e escape, a lansa un buskeda mayor cu varios unidad di polis y un helicopter, pero segun e informacion mas recien, no a aresta ningun persona ainda.
Ta parce cu dies Venezolano a purba di huy, pero na final ta siete a logra scapa.
Polis ta urgiendo cualkier persona cu mira fugitivonan pa tuma contacto cu polis. “E personanan aki probablemente no tin un caminda unda pa keda, y ta bay purba di busca estadia y trabao”, polis a bisa. Polis ta conseha hende pa yama 911 si nan mira posibel fugitivonan.
