Diasabra anochi cu a pasa polis a haya un cas den Indianenweg tur reboltea. Adictonan ambulante a laga e cas un desaster. Nan a coba den delaster un lachi di e cas saca tur cos benta abow. Nan a horta diferente airco y tambe cosnan electronico manera television etc.

Nan a horta tur e tubonan di koper di e cas lagando awa ta core pa hopi dia. Polis a purba di busca pa familiarnan pero no por a haya nan ainda. Bisiña ta conta polis cu ta un pareha di edad ta biba eynan y cu nan a bai den exterior pa motibo di salud.

Te hasta un auto mester tin eynan para pero no ta mira esaki tampoco. Ta tristo pa mira con e cas a keda. Polis nan a cera e cas y tawata patruya constantemente eynan pa controla e cas. Diamars marduga atrobe nan a pasa eybanda y a wak cu e cas ta habri.
A baha controla y ta topa cu e conocido “dof” drumi eyden. Polis a deten’e y hib’e warda pa e bai duna cuenta ken tur a comete e acto aki.